Бразилия федерал полицияси ходимлари жануби-шарқий Витория портида кеманинг штурвал қисмига яшириниб олган мигрантларни қутқариб олди. Улар Атлантика океани бўйлаб 5600 км дан кўпроқ масофани 14 кун давомида сузиб ўтган.
Reuters хабарига кўра, 10-куни нигериялик қочқинларнинг озиқ-овқати ва суви тугаган, яна 4 кун давомида улар денгиз суви билан чанқоғини қондиришга мажбур бўлган.
Яхши ҳаёт илинжида бўлган тўрт нафар нигериялик юк ташувчи кемага яшириниб, Европага етиб боришга умид қилган. Улар Атлантика океанининг нариги томонида Бразилия жойлашганини билиб, ҳайратда қолган.
Мигрантларнинг 2 нафари Нигерияга қайтарилди ва яна иккиси эса Бразилиядан бошпана сўраган. Уларнинг хабар беришича, иқтисодий қийинчиликлар, сиёсий беқарорлик ва жиноятлар кўплиги ватанни тарк этишга мажбур қилган.
Нигериялик мигрантларнинг бундай ҳаракатлари биринчиси эмас. Мисол учун, ўтган йилнинг ноябрь ойида Канар оролларига уч нафар нигериялик эркак 11 кун давомида кема штурвалида етиб келганди.
Изоҳ (0)