Америкалик қариянинг 100 ёшлик юбилейига 200 дан ортиқ итлар келди (видео)

Калифорниялик Роберт Мурнини 100 ёшлик юбилейи билан табриклаш учун “уй ҳайвонлари паради”га 200 дан ортиқ ит олиб келинди, деб хабар бермоқда “Правила жизни” нашри.

Ҳозир Пало-Алто қариялар уйида яшовчи нафақахўр бутун умри давомида итларга меҳр қўйган. Нафақахўрнинг қизи Элисон доим ити билан меҳмонга келиб уни хурсанд қилган. Бироқ, 2020 йилда уй ҳайвони йўқолиб қолди ва Элисон итларни дўстларидан “қарзга” олишга мажбур бўлди.

Элисон отасининг 100 ёшлик юбилейига махсус совға тайёрламоқчи бўлган. У ижтимоий тармоқларда итларнинг эгаларидан Робертнинг туғилган куни ташкил қилинадиган “уй ҳайвонлари паради”га келишларини сўраган. Элисон байрамда камида 20 киши иштирок этишига умид қилган.

Нафақахўрнинг туғилган кунига эса 200 дан ортиқ ит келган. Баъзи меҳмонлар, шу жумладан туғилган кун эгасининг набираси Эмма ​​бошқа шаҳардан учиб келган. Баъзи итни яхши кўрувчи инсонлар Роберт учун табрик плакатлари, ширинликлар ва совғалар билан келган.

“Бу ҳақда ўйлаб йиғлашингиз мумкин. Мен атиги 40 га яқин итни билардим”, — дейди Элисон.

Роберт барча итларни эркалатиб ўйнатган, бунга эса икки соат вақт кетган.  

“Мен ҳеч қачон бунчалик кўп думини қимирлатган итни кўрмаганман”, — деди нафақахўр итларнинг бирини эркалатиб.