Россия рублининг қадрсизланаётгани Ўзбекистонга бўлаётган пул ўтказмалари ҳажми камайишига олиб келмоқда. Бу ҳақда Марказий банк раиси Мамаризо Нурмуродов журналистлар билан мулоқотда маълум қилди, дея хабар берди “Дарё” мухбири.
Мамаризо Нурмуродовнинг айтишича, рубль қадрсизланиши оқибатида республикага пул ўтказмалари сезиларли камайган.
“Россия рубли жорий йил бошидан бери 26 фоизга қадрсизланди. Энг аввало, бу мамлакатдан Ўзбекистонга бўлаётган пул ўтказмалари ҳажмига салбий таъсир қилади. Яъни Россиядан Ўзбекистонга пул ўтказмалари умумий хорижий тушумларнинг 80 фоизига яқинни ташкил этади. Масалан, 2022 йилнинг 6 ойида 6,5 миллиард доллар пул ўтказилган, жорий йил ярми ичида 5,1 миллиард доллар атрофида пул ўтказмалари амалга оширилди. Рубль қадрсизланиши тушумларимиз пасайишига таъсир кўрсатади”, —деди Марказий банк раиси.
Аввалроқ Ўзбекистон иқтисодий ўсиш суръатлари жорий йил биринчи ярим йиллигида 5,6 фоизни ташкил қилиб, ўтган йилнинг мос даврига нисбатан юқори суръатларни қайд этгани хабар қилинганди.
Изоҳ (1)
Assalou aleykum.. Qanday qilib uyalmasdan iqtisodiyotni sekinlashishini rublga bog'layabdi bu odam.. O'zbekistonni biz migrantlarni jo'natgan pullaridan boshqa daromati yoqmi?? .. Bu qanday sharmandali izoh. Gazimiz, oltinimiz, uranimiz, paxtamiz, ekport maxsulotlarimiz, olinayotgan kreditlar, bu narsalarni puli qayerga ketayabdi???..