Сенат 2023 йил биринчи ярмидаги фаолияти юзасидан ҳисобот эълон қилди.
Маълум қилинишича, ҳисобот даврида Сенатнинг 6 та ялпи мажлиси ўтказилиб уларда давлат ва жамият ҳаётининг турли соҳаларига доир 50 дан ортиқ масала кўриб чиқилган. Жумладан, 41 та қонун муҳокама қилиниб, сенаторлар томонидан маъқулланган.
“Ўтган даврда Сенатга жами 6 720 та мурожаат келиб тушган. Шундан 3,2 мингтаси (48 фоиз) тегишлилиги бўйича ваколатли органларга юборилди. 2,1 мингта (31 фоиз) мурожаат юзасидан ҳуқуқий тушунтириш берилди. 389 та мурожаат (ижтимоий ёрдам, иш билан таъминлаш, алимент ундириш) сенаторларнинг бевосита саъй-ҳаракатлари билан ижобий ҳал этилди. Сенат раисининг ижтимоий тармоқлардаги саҳифалари орқали келган 367 та мурожаатнинг 60 таси ижобий ҳал қилинди, 270 таси бўйича ҳар томонлама асосланган ҳуқуқий тушунтириш берилди. Қолган 37 таси кўриб чиқилмоқда”, — дейилади ҳисоботда.
Шу билан бирга, 2 200 мингга яқин фуқаро бевосита Сенатнинг ўзида қабул қилинган. Улар кўтарган муаммолар суд, прокуратура, МИБ, ИИБ, ССВ, Бандлик, Кадастр ва бошқа ташкилотлар мутасаддилари иштирокида ҳал этилган.
“Сенаторлар ҳар ой ҳудудларда бўлиб, фуқаролар билан учрашмоқда. Мазкур амалиёт доирасида 2 700 мингдан зиёд мурожаат (ижтимоий ҳимоя, бандлик, кредит) алоҳида назоратга олиниб, ҳал қилиш чоралари кўрилди”, — дея маълум қилган Сенат.
Изоҳ (0)