Sabzavot, poliz ekinlari va kartoshkachilik ilmiy tadqiqot instituti Samarqand ilmiy tajriba stansiyasida donasi 2 kilodan ortiq kartoshka yetishtirildi. Bu haqda Qishloq xo‘jaligi vazirligi axborot xizmati rahbari Dilshod Nazirov “Daryo”ga maʼlum qildi.
Ilmiy tajriba stansiya dalasiga 11 gektar maydonga kartoshkaning Bog‘izog‘on, Ranomi, Evolyushin, Arizona, Silvana va Lusinda navlari ekilgan.
Stansiya Samarqand viloyatining Toyloq tumanidagi “Hayot” mahallasida joylashgan. Kartoshkaning turli navlaridan 8 gektar maydonga ekilgan. Har gektaridan o‘rtacha 35-40 tonna, baʼzi qismidan 50-52 tonnagacha hosil olindi.
Katta kartoshkalar o‘lchab ko‘rilganida vazni 2 kilodan ortiq yuk qilganlari ham bo‘ldi.
Samarqand ilmiy tajriba stansiyasida hozirgi kunda bir qator pomidor, osh lavlagi, shirin qalampir, shirin makkajo‘xori, batat, qovun, qovoq, tarvuz, qovoqcha, patisson kabi sabzavot va poliz ekinlarining yangi navlarini yaratish ustida seleksiya ustida ishlanmoqda, — dedi Dilshod Nazirov.
Uning qo‘shimcha qilishicha, jamoa tomonidan bahorgi va yozgi muddatlarda kartoshka yetishtirishning resurstejamkor, innovatsion usullari to‘g‘risidagi tavsiyanoma chiqarilib, dehqon va fermar xo‘jaliklariga yordam berib kelmoqda.
Izoh (0)