“Кечки овқатингни душманингга бер”: Бу ибора қанчалик тўғри? Мутахассис изоҳи

“Нонуштани ўзингиз тановул қилинг, тушликни дўстингиз билан баҳам кўринг, кечки овқатни душманга беринг”, деган гап кечки овқат ортиқча вазн ва ҳатто, касалликка олиб келиши мумкин бўлган йўл эканлигидан огоҳлантириш мақсадида айтилганини билсангиз керак.

Хўш, бу чиндан ҳам ростми? Барча диетологлар ушбу фикрга қўшиладими? Аммо биз кўпинча деярли бутунлай қарама-қарши принципга кўра овқатланамиз: одатда нонушта қилишга вақт бўлмайди, йўл-йўлакай тушлик қилиб оламиз, лекин кечки овқатни эса қолдирмай тановул қиламиз.

Кечки овқат ҳақида анъанавий нуқтаи назар

Хўш, нима учун кучли бўлган кечки овқат зарарли ҳисобланади? Асосий далил: одам ухлаб қолса, ошқозон-ичак тракти у билан бир вақтда “ухлайди”. Бу шуни англатадики, айни вақтда ошқозонда бўлган озиқ-овқатга барча керакли ферментлар етиб бормайди. Бундан ташқари, агар киши кечқурун тез ҳазм бўлувчи углеводларга бой овқат истеъмол қилса, бундай кечки овқат жигарни глюкоза билан тўйинтиради. У ерда ферментлар таъсирида ёғ сифатида қайта ишланади. Бу ёғ белга ва ички органларга тарқалади. Умуман олганда, кечки овқат учун қисмни сезиларли даражада камайтириш учун далиллар етарли.

Кечки овқатни ейишингиз мумкин ва бу керак

Бу ҳақда диетолог Михаил Гинзбург паст калорияли протеинли кечки овқат ҳамма учун мос келмаслигини таъкидлади: “Кечки овқат тановул қилиш керак. Бу табиатимизга хос. Кечқурунги овқатдан воз кечиб, гормонал фонни, асаб тизимини ва овқат ҳазм қилиш жараёнини бузиш хавфини туғдирамиз.

Кечки овқат озишга ёрдам беради

Бундай хулосага исроиллик олимлар озаётган одамлар гуруҳи билан тажриба ўтказиб, тажриба иштирокчиларини кечки пайт тўлақонли кечки овқатга таклиф қилишди. Кўнгиллилар икки гуруҳга бўлинган. Биринчи гуруҳда иштирокчилар кучли озиқ-овқат маҳсулотлари билан тўлдирилган кечки овқат берилган ва уларга оддий углеводлар, жумладан, оқ нон, спагҳетти, картошка ейишлари мумкин бўлган. Иккинчи гуруҳда эса вазн йўқотиш учун тавсия этилган анъанавий кечки овқатлар бор эди. Олти ой ўтгач, маълум бўлдики, биринчи гуруҳдаги кўнгиллилар тезроқ ва самаралироқ вазн йўқотишди! Улар буни тўлақонли кечки овқатдан сўнг эртаси куни очлик ҳис қилмасликлари билан изоҳладилар...

Кечки овқат ортиқча вазн билан боғлиқ эмас

Диетолог Олга Кораблева: “Тунги энергия истеъмолига келсак, уйқу пайтида органлар ишлашининг секинлашиши у қадар улкан — бу асосий метаболизмнинг тахминан 10-20 фоизини ташкил қилади. Яъни, асосий нарса ортиқча овқатланмаслик ва калориялар мувозанатини ёдда тутишдир: кун давомида қанча овқатланганингизни эсланг” — дейди.

Мутахассиснинг эслатишича, биз кечки пайт истеъмол қиладиган овқатлар кун давомида истеъмол қилган овқатлардан кўра юқори калорияли бўлмаслиги керак. Агар сиз кечки овқатда меъёрдан кўп овқатланмасангиз ва ошқозон ҳазм қила олмайдиган углеводларни ҳаддан ташқари кўп истеъмол қилмасангиз, ошқозон-ичак трактида ортиқча килограмм ва ферментация кузатилмайди.

Олга Кораблевага кўра, инсон организми ҳар қандай шароитга осонгина мослаш ХХ фбхр.бвфббббвдфадгвббб cади. Тушлик пайтида нонушта қиладиган ва кечки овқатни ярим тунда ейдиганлар бор — айнан шу одат уларнинг овқат ҳазм қилиш тизими учун жуда қулай моделга айланади. Кузатиш керак бўлган асосий нарса шуки, кечки овқат калориялари кунлик умумий овқатланишнинг тўртдан биридан ошмаслиги керак.