CAFA Futsal Cup 2023. Ўзбекистон терма жамоаси 7 та гол урилган ўйинда Афғонистонга мағлуб бўлди

Тожикистонда CAFA Futsal Cup 2023 мусобақасининг иккинчи кунги баҳслари 24 июль, душанба куни бўлиб ўтди.

Ўзбекистон футзал терма жамоаси иккинчи турда Афғонистонга қарши баҳс юритди ва 3:4 ҳисобида имкониятни бой бериб қўйди. Ўзбекистонликлар сафидаги барча голларга Ҳусниддин Нишонов муаллифлик қилган бўлса, Афғонистон таркибида Ризо Ҳусайн, Муҳаммад Али Фаёзий, Мусави ҳамда Ҳамид Ризо Ҳоссейни ўз ҳисобига гол ёздириб қўйди. 

Эслатиб ўтамиз, Баҳодир Аҳмедов шогирдлари дастлабки турда мезбон жамоа Тожикистонга қарши ўйнади ва 4:2 ҳисобида ғалаба қозонди. 

CAFA Futsal Cup 2023

2-тур баҳси

Ўзбекистон — Афғонистон 3:4

Голлар: 0:1 — 2 Ҳамид Ризо Ҳоссейни, 1:1 — 19 Ҳусниддин Нишонов, 2:1 — 20 Ҳусниддин Нишонов, 3:1 — 28 Ҳусниддин Нишонов, 3:2 — 34 Мусави, 3:3 — 38 Муҳаммад Али Фаёзий, 3:4 — 40 Ризо Ҳусайн.