Бундан 22 йил аввал, 2001 йил 3 ноябрь санасида бокс тарихидаги энг машҳур жанглардан бири бўлиб ўтганди.
Ўша вақтда Россия ва Австралия шарафини ҳимоя қилган Константин Сзю ярим ўрта вазн тоифасида мутлақ жаҳон чемпионлиги учун кечган жангда америкалик Заб Жудани мағлуб этганди.
Константин ўша пайтда шон-шуҳрат чўққисида эди ва ўз тоифасининг учта эҳтимолий камарининг иккитасини қўлга киритганди. Сзю Мутлақ жаҳон чемпиони унвонига эга бўлишни унчалик орзу қилмаган: турли сабабларга ўша пайтда камарларни бирлаштириш имконсиз эди. Деярли 30 йил давомида супер ўрта вазн тоифасида мутлақ чемпионлар бўлмаган. Бироқ WBC, WBA ва IBF имкони йўқ ишни уддалади ҳамда камарларни бирлаштирувчи жанг ташкил этиш бўйича келишувга эришди. Бироқ бу Костянинг ҳурмати учун қилинган иш эмасди.
Гап шундаки, IBF камари янги суперюлдуз ҳисобланган америкалик Заб Жудага тегишли эди. Харизматик спортчи Сзюдан нафақат 8 ёш кичик эди, кўплаб мутахассислар Заб россиялик боксчидан барча хусусиятлар бўйича олдинда эканини таъкидларди. Жуданинг ёшлиги, тезлиги ва нокаут қилувчи ажойиб зарбаси ҳақида гапириларди.
Жуданинг ўзи ҳам ғалабасига тўлиқ ишонганди. Супер лақабини олган йигит ҳар бир матбуот анжуманида Сзюни ҳақорат қиларди. Албатта, Заб Конор Макгрегор даражасидан йироқ эди, бироқ баъзи ҳақоратлари ўзига хос бўлган, масалан, америкалик Костянинг ҳимоясини Швейцария пишлоғига тенглаштирган. Бироқ Сзю нафақат максимал даражада совуққонликни сақлаган, балки, инглиз тилини мукаммал билишини намойиш қилиб, ёрқин жавоблар берган.
Сифатли тарғибот иш берган: Лас-Вегасда бўлиб ўтиши режалаштирилган жангга қизиқиш ақл бовар қилмас даражада ошиб кетган. Боксчилар мухлисларнинг ҳафсаласини пир қилмасликка ҳаракат қилди ва жангнинг илк сониялариданоқ ҳужумга ўтди. Ажойиб тезлик ва аниқлик туфайли Жуда россиялик рақибига босим ўтказарди ва мунтазам равишда унинг ҳимоясини ёриб ўтарди. Зарбалардан бири Константинни бутунлай довдиратиб қўйди, бироқ у нокдаунгача етиб бормади. Сзю хотиржамликни сақлади ва иккинчи раунд олдидан танаффусда мураббийнинг кўрсатмаларини диққат билан тинглади.
Ва вазият кескин ўзгарди. Иккинчи раундда Сзю устунликка эришди. Америкаликнинг жағини нишонга олди, лекин ўзининг “ташриф қоғози”га айланган ўнг қўл зарбасини ижро этмади. Заб жуда жуда пассив ҳаракат қиларди ва Костянинг ҳужумларини тўхтата олмади. Бонг урилиши олдидан Россия вакили барибир мақсадига эришди: ўнг қўли билан даҳшатли зарба берди. Сзюнинг мушти Забнинг жағига тегди ва у ерга йиқилди.
Қўшимчасига бошидан қаттиқ зарба еди. Гарчи бундай зарбалардан кейин, одатда, боксчилар ўрнидан турмаса ҳам Жуда ўрнидан турди. Аммо Забнинг оёқлари ўзига бўйсунмади, шарҳловчи бу ҳолатни қайнатилган спагеттига қиёслади. Америкалик боксчининг оёқ-қўллари дастлаб ғалати рақсга тушаётганга ўхшаш ҳолатга тушди, кейин эса Заб яна йиқилиб тушди. Яна ўрнидан туришга ҳаракат қилди, бироқ аллақачон кеч бўлганди — ҳакам Жей Неди дарҳол жангни тўхтатганди. Забнинг ночор ҳолатга тушиб қолгани ҳисобга олинса, қарор мутлақо тўғри эди. Сзю иккинчи раундда ғалаба қозониб, мутлақ чемпионликни қўлга киритди.
Бироқ Жуда ҳаётидаги энг муҳим жанг натижасидан рози бўлмади. У ўзини йўқотиб қўйди ва ҳакамнинг юзига қўлқопи билан уриб юборди. Кейин у томонга стулни ҳам ирғитиб юборди. Заб бундай хатти-ҳаракатлари учун бир неча ҳафтадан сўнг дисквалификация қилинди ва катта миқдорда жаримага тортилди. Кейинчалик Заб тартиб-интизом комиссияси йиғилишида ўз айбига тўлиқ иқрор бўлди. Бир неча йилдан сўнг Сзю билан учрашувда унинг ўзидан ҳам кечирим сўради. Россиялик боксчи ҳақли ғалаба эришганди ва буни жуда чиройли амалга оширган эди.
Изоҳ (0)