Наманганда ёз чилласида ҳам қулупнай етиштириш ҳадисини олган миришкорлар кўпаймоқда. Бу ҳақда “Дарё” мухбири Азизбек Абдувалиев хабар бермоқда.
Учқўрғонлик фермер Муроджон Қосимов шундай деҳқонлардан бири. Ота олдинлари қиш қаҳратонида дарёда чўмилиши билан барчани ҳайратга солган бўлса, энди ёз чилласида қулупнай етиштираётгани билан ажаблантирмоқда.
Учқўрғонлик фермер Муроджон ота Қосимов
Фото: Жаҳонгир Акрамов
“Ёзда пишган қулупнайнинг қатор афзал томонлари бор. Биринчидан, ушбу мевани соғинишга улгурганлар учун айни муддао, иккинчидан, таъми жуда ширин, мураббо қилмоқчи бўлсангиз шакарга ҳам деярли ҳожат йўқ”, — дейди Муроджон ота.
Фото: Жаҳонгир Акрамов
У кишининг даласида ҳар метрда 60-70 та кўчатга дуч келдик. Уларнинг деярли барчаси ғуж мева туккан.
Фото: Жаҳонгир Акрамов
Муроджон отанинг айтишича, жазирамада ҳам қулупнай етиштириш учун деҳқондан меҳнат, сабр ва ақл талаб этилади. Шунингдек, кўчатларга вақтида озуқа ва сув бериш, экинни ўз ҳолига ташлаб қўймаслик ҳам.
Фото: Жаҳонгир Акрамов
Маълумот учун, жазирамада пишган қулупнайнинг килограмми даланинг ўзида 15-20 минг сўмдан сотилмоқда. Харидорга етиб боргунча бу нархга яна бир оз қўшилиши мумкин.
Изоҳ (0)