Хоразм вилояти Хива шаҳрида жойлашган бозорда ҳам йирик ёнғин чиқди. ФВВ ҳолат юзасидан дастлабки маълумотларни эълон қилди.
Унга кўра, 24 июль куни соат 17:42 да Хоразм вилояти Хива шаҳар “Сангар” МФЙ Элобод кўчасида жойлашган “Хива буюм бозори” ҳудудидаги кийим-кечак ҳамда озиқ-овқат дўконларида ёнғин содир бўлаётгани тўғрисида ФВБга хабар тушган. 12 та ёнғин-қутқарув экипажи 17:50 да етиб бориб, ёнғин ўраб олинган ва ҳозирда бартараф этиш ишлари олиб борилмоқда. Вазият назоратга олинган.
Ёнғин оқибатида фуқароларнинг куйиш, тан жароҳати олиш ва ҳалок бўлиш ҳолатлари қайд этилмади. Воқеа жойига вилоят ҳамда туман ФВБ раҳбар ходимлари етиб борган.
Изоҳ (0)