Ўзбекистон президенти Шавкат Мирзиёев бугун, 24 июль куни 66 ёшга тўлди. Шу муносабат билан давлат раҳбари қўшни ҳамда ҳамкор давлатлар президентларидан табрикларни қабул қилмоқда.
Президент матбуот хизмати ҳозирга қадар табрик йўллаган етакчилар рўйхатини эълон қилди. Қайд этилишича, Хорижий ҳамкорлар мамлакат етакчисини қутлаб, Ўзбекистоннинг кўп миллатли халқига тинчлик-осойишталик, фаровонлик ва равнақ тилакларини изҳор этмоқда.
Табрикномаларда Янги Ўзбекистонни барпо этиш, халқ фаровонлигини юксалтириш ва мамлакатнинг халқаро нуфузини мустаҳкамлаш, Марказий Осиё минтақасида барқарорлик ва изчил тараққиётни таъминлашга қаратилган ортга қайтмас ислоҳотлар дастури муваффақиятли амалга оширилаётгани алоҳида қайд этилган. Қуйидагилар ўз табрикларини йўллаган:
- Россия президенти Владимир Путин;
- Хитой Халқ Республикаси раиси Си Цзиньпин;
- Туркия президенти Ражаб Тоййиб Эрдўғон;
- Қозоғистон президенти Қосим-Жўмарт Тўқаев;
- Қирғизистон президенти Садир Жапаров;
- Тожикистон президенти Эмомали Раҳмон;
- Туркманистон президенти Сердар Бердимуҳамедов;
- Туркман халқининг миллий етакчиси, Туркманистон Халқ Маслаҳати раиси Гурбангули Бердимуҳамедов;
- Озарбайжон президенти Илҳом Алиев;
- Беларусь президенти Александр Лукашенко;
- Италия президенти Сержо Маттарелла;
- Россия Федерал Мажлиси Федерация Кенгаши Валентина Матвиенко;
- Россия Ҳукумати раиси Михаил Мишустин;
- Бирлашган Араб Амирликлари бош вазири ўринбосари, ички ишлар вазири Шайх Сайф бин Зоид Ол Наҳаён;
- Шанхай ҳамкорлик ташкилоти бош котиби Чжан Мин;
- Туркий давлатлар ташкилоти бош котиби Кубаничбек Омуралиев.
Қутловлар келишда давом этмоқда.
Изоҳ (0)