O‘zbekiston prezidenti Shavkat Mirziyoyev bugun, 24-iyul kuni 66 yoshga to‘ldi. Shu munosabat bilan davlat rahbari qo‘shni hamda hamkor davlatlar prezidentlaridan tabriklarni qabul qilmoqda.
Prezident matbuot xizmati hozirga qadar tabrik yo‘llagan yetakchilar ro‘yxatini e‘lon qildi. Qayd etilishicha, Xorijiy hamkorlar mamlakat yetakchisini qutlab, O‘zbekistonning ko‘p millatli xalqiga tinchlik-osoyishtalik, farovonlik va ravnaq tilaklarini izhor etmoqda.
Tabriknomalarda Yangi O‘zbekistonni barpo etish, xalq farovonligini yuksaltirish va mamlakatning xalqaro nufuzini mustahkamlash, Markaziy Osiyo mintaqasida barqarorlik va izchil taraqqiyotni taʼminlashga qaratilgan ortga qaytmas islohotlar dasturi muvaffaqiyatli amalga oshirilayotgani alohida qayd etilgan. Quyidagilar o‘z tabriklarini yo‘llagan:
- Rossiya prezidenti Vladimir Putin;
- Xitoy Xalq Respublikasi raisi Si Szinpin;
- Turkiya prezidenti Rajab Toyyib Erdo‘g‘on;
- Qozog‘iston prezidenti Qosim-Jo‘mart To‘qayev;
- Qirg‘iziston prezidenti Sadir Japarov;
- Tojikiston prezidenti Emomali Rahmon;
- Turkmaniston prezidenti Serdar Berdimuhamedov;
- Turkman xalqining milliy yetakchisi, Turkmaniston Xalq Maslahati raisi Gurbanguli Berdimuhamedov;
- Ozarbayjon prezidenti Ilhom Aliyev;
- Belarus prezidenti Aleksandr Lukashenko;
- Italiya prezidenti Serjo Mattarella;
- Rossiya Federal Majlisi Federatsiya Kengashi Valentina Matviyenko;
- Rossiya Hukumati raisi Mixail Mishustin;
- Birlashgan Arab Amirliklari bosh vaziri o‘rinbosari, ichki ishlar vaziri Shayx Sayf bin Zoid Ol Nahayon;
- Shanxay hamkorlik tashkiloti bosh kotibi Chjan Min;
- Turkiy davlatlar tashkiloti bosh kotibi Kubanichbek Omuraliyev.
Qutlovlar kelishda davom etmoqda.
Izoh (0)