Фарғона вилоятининг Марғилон шаҳрида Юсуфжон қизиқ Шакаржонов номидаги республика аския ва қизиқчилик санъати маркази ташкил этилди. Бу ҳақда шаҳардаги Ижодкорлар боғида миллий аскиячилик ва қизиқчилик санъатини янада ривожлантириш мақсадида ўтказилган учрашувда маълум қилинди, деб хабар бермоқда Азизжон Эрматов.
.JPG)
Қайд этилишича, Ўзбекистон Президентининг “Республика миллий аския ва қизиқчилик санъатини яна-да ривожлантириш чора-тадбирлари тўғрисида”ги қарори ижросига қаратилган учрашув сўз усталарининг ичакузди аскиялари билан бошланган.
Водий вилоятлари аския ва қизиқчилик санъати усталари, соҳа мутахассислари жалб этилган тадбирда Маданият ва туризм вазири Озодбек Назарбеков ҳамда Президент Администрацияси маданият ва санъатни ривожлантириш шўбаси мудири Нодирбек Сайфуллаев иштирок этган.
.JPG)
Учрашув давомида вилоят Маданият ва туризм бошқармасида бўлим бошлиғи сифатида фаолият олиб бораётган Шамсиддин Бабаджанов марказ директори вазифасини бажарувчи этиб тайинланди. Шунингдек, Ўзбекистон Республикасида хизмат кўрсатган артист, сўз устаси Мамасиддиқ Шераев эса марказ бадиий раҳбари сифатида таништирилди.
Аскиячилик ҳазил-мутойиба санъат тури сифатида 2014 йили ЮНЕСКОнинг Инсоният номоддий маданий мероси рўйхатига киритилган.
Изоҳ (0)