Франция президенти Эммануэл Макрон яна бир бор Мбаппени “ПСЖ”да қолишга кўндиришга уриниб кўради.
El Debate нашрининг хабарига кўра, Макрон Килианни ҳеч бўлмаганда 2024 йилги Парижда бўлиб ўтадиган Олимпиадага қадар француз клубида қолишини хоҳлайди.
“ПСЖ” раҳбарияти Мбаппега 2025 йилгача мўлжалланган шартнома таклиф қилган ва унинг товон пулини 200 миллион евро қилиб қўймоқчи.
Қайд этиб ўтиш жоиз, Франция президенти аввал ҳам Мбаппега “ПСЖ” билан шартномани янгилаши кераклиги ҳақида маслаҳатлар берганди.
Сиёсатчи ва футболчи ўртасидаги яқин алоқалар 2018 йил Елисей саройида Килиан Макронда илиқ таассуротлар қолдирган чоғидан бошланган.
Килианнинг ўзи эса клубини алмаштирмоқчи. Мбаппе “ПСЖ” билан шартнома узайтирмаса ёки шу ёзда жамоани тарк этмаса клуб уни мавсум давомида майдонга туширмаслиги ҳақида хабарлар янграганди. Унинг парижликлар билан шартномаси 2024 йилда ўз ниҳоясига етади.
Изоҳ (0)