Бухоро давлат педагогика институти бўлим бошлиғи тўрт минг доллар пора билан қўлга тушди, деб хабар бермоқда Иқтисодий жиноятларга қарши курашиш департаменти ахборот хизмати.
Унга кўра, ҳолат Бош прокуратура ҳузуридаги департаментнинг Бухоро шаҳар бўлими томонидан ДХХ ходимлари билан ҳамкорликда ўтказилган тезкор тадбирда аниқланган. Бухоро давлат педагогика институти ўқув бўлими бошлиғи А.А. фуқаролар Б.С. ва Қ.Қ.ни танишлари ёрдамида 5 000 АҚШ доллари эвазига ушбу институтга ўқишга киритиб қўйишини айтиб, олдиндан 4 000 АҚШ долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 25, 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)