Buxoro davlat pedagogika instituti bo‘lim boshlig‘i to‘rt ming dollar pora bilan qo‘lga tushdi, deb xabar bermoqda Iqtisodiy jinoyatlarga qarshi kurashish departamenti axborot xizmati.
Unga ko‘ra, holat Bosh prokuratura huzuridagi departamentning Buxoro shahar bo‘limi tomonidan DXX xodimlari bilan hamkorlikda o‘tkazilgan tezkor tadbirda aniqlangan. Buxoro davlat pedagogika instituti o‘quv bo‘limi boshlig‘i A.A. fuqarolar B.S. va Q.Q.ni tanishlari yordamida 5 000 AQSH dollari evaziga ushbu institutga o‘qishga kiritib qo‘yishini aytib, oldindan 4 000 AQSH dollarini olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 25, 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)