Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.
Озода Нурсаидова Истанбул шаҳрида ҳордиқ чиқармоқда.
“Ҳавас” гуруҳи хонандаси Достонбек уйланмоқда. Хонанда турк миллатига мансуб қиз билан оила қураётгани боис хина кечаси ўтказди.
Шаҳзода Муҳаммедова кузатувчиларига Париж шаҳридан кўриниш берди.
“Митти вайн” кулги жамоаси актёри Абдураҳим ўғлини туғуруқхонадан олиб чиқиши акс эгтган видеолар билан бўлишди.
Нилуфар Усмонова ёшлигида ота-онаси ажрашганидан сўнг бувиси қўлида тарбиялангани ҳамда катта оиласи бўлишини орзу қилгани ҳақида сўзлаб берди.
15 июль куни масалларни маромига етказиб ижро этиши билан танилган актриса Дилшода Рустамжонова турмушга чиқди.
Хонанда Ҳамдам Собиров ёзги таътилни Анталияда ўтказмоқда.
Жавоҳир Зокиров ўғли Саидкарим ва амакиси Фаррух Зокировнинг суратини саҳифасига жойлади.
Клипмейкер ва актёр Наримон Султонхўжаевнинг рафиқаси Малика янги видеомурожаат билан чиқди. Унинг айтишича, уч боласи билан кўчада қолганини айтганидан сўнг турмуш ўртоғи Наримон уни судга берган. Суд ундан 1 млн 200 минг жарима ундириш ҳақида қарор чиқарган. Шундан сўнг клипмейкер рафиқасини калтаклаган. Малика кузатувчиларига кўкарган юзини кўрсатиб, кўнгли айниётганини қўшимча қилган.
Актриса Юлдуз Ражабова Париж мода ҳафталигида иштирок этгани учун ўзбек дизайнерларидан фахрланиши ҳақида пост қолдирди.
Актёр Бобур Йўлдошев қизи Ирис билан тушган суратини кузатувчилари билан бўлишди.
Муниса Ризаева Tashkent City ҳудудида жойлашган 130 квадрат метр майдонли, уч хонали квартирасини 600 минг АҚШ долларига сотаётганини маълум қилди.
Изоҳ (0)