АҚШ Мудофаа вазирлиги келажакда захирадан 3 000 нафаргача ҳарбий хизматчини Европада жойлаштириши мумкин.
“Биз НАТОнинг Atlantic Resolve операциясини АҚШ Қуролли кучларининг Европа қўмондонлиги (EUCОМ) масъулиятидаги зонада ва унинг атрофида самарали ўтказиш учун Америка қўшинларининг фаол контингентини кучайтиришимиз керак”, — дейилади АҚШ президенти Жо Байден томонидан имзоланган янги буйруқда.
EUCОМ қайд этишича, ушбу фармон АҚШнинг Европадаги қўшинлари сонини ўзгартирмайди. Гап қўшимча кучлар ҳақида кетаётгани йўқ, деди Пентагон қўшма қароргоҳи операциялар бўлими бошлиғи Дуглас Симс журналистларга. Аксинча, захирадаги ҳарбий хизматчилар илгари фаол контингент таркибида бўлган ҳарбий хизматчиларнинг вазифаларини бажариши мумкин бўлади.
Пентагон уларни қандай жойлаштириш бўйича якуний қарор EUCОМ қўмондонлигида қолишини маълум қилди.
“Бу Россиянинг Украинага қарши ноқонуний ва асоссиз урушидан сўнг НАТОнинг шарқий қаноти мудофаасини қўллаб-қувватлашга содиқлигимизни тасдиқлайди”, — деди Симс.
АҚШ мудофаа вазири Ллойд Остин захирадаги аскарларни яқин орада жойлаштиришни режалаштиряптими ёки йўқ, номаълум, деб ёзди Politico. Аммо ушбу ҳаракат АҚШ армиясининг Европадаги ўқув миссиясида қатнашаётган фаол қўшинларга қанчалик юк тушаётганини кўрсатади, деб таъкидлади нашр.
Изоҳ (0)