АҚШ армиясининг Европа кучлари операцияларидаги иштироки пайтида Америка денгиз флоти учун ҳаво қўмондонлик пункти вазифасини бажарадиган E-6B Mercury самолёти Исландияга қўнди. Бу ҳақда АҚШ қўшинларининг Европадаги қўмондонлиги штаб-квартираси Twitter’да маълум қилди.
“Экипаж АҚШнинг Исландиядаги элчиси Каррин Патман ҳамда бошқа дипломатик ва ҳарбий раҳбарлар билан учрашди”, — дейилади хабарда.
Самолёт “қиёмат куни самолёти” деб номланади, чунки у ядровий уруш юз берган тақдирда асосий рол ўйнайдиган ҳаво қўмондонлиги ва алоқа пости вазифасини бажаради. Пентагон маълумотларига кўра, самолёт АҚШ қўмондонлигига стратегик ва ностратегик қуроллар, хусусан, ядровий арсенал билан алоқа ўрнатиш имконини беради. Хусусан, борт орқали учиришни бошқариш тизими ёрдамида ердаги баллистик ракеталарни учириш мумкин.
1991 йилгача Америка армиясининг “қиёмат куни самолётлари” қарийб 30 йил давомида ҳавода бўлган, аммо Совуқ урушнинг тугаши ва бюджетнинг қисқариши бу борадаги ёндашувни ўзгартирди — бортлар қуруқликдаги жанговар тайёргарлик ҳолатига ўтказилди, парвозларни АҚШнинг ғарбий ва шарқий қирғоқларида “кутилмаган ҳолатларга асосланиб” амалга оширишга қарор қилинди.
Изоҳ (0)