Тошкент шаҳрининг уч тумани: Олмазор, Яшнобод ва Чилонзор туманларида электр таъминоти вақтинча тўхтатилади. Бу ҳақда “Ҳудудий электр тармоқлари” АЖ ахборот хизмати хабар берди.
Унга кўра, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларнинг олдини олиш, куз-қиш мавсумига пухта тайёргарлик кўриш мақсадида 14 июль куни қуйидаги манзилларда электр таъминоти вақтинча ўчирилади:
- Олмазор тумани: “Намуна” МФЙнинг айрим кўчаларида соат 09:00 дан 17:00 гача;
- Яшнобод тумани: “Баҳор” МФЙнинг айрим кўчаларида соат 09:00 дан 17:00 гача;
- Чилонзор тумани: “Хайробод” МФЙнинг айрим кўчаларида соат 09:00 дан 17:00 гача.
“Ҳудудий электр тармоқлари” АЖ Тошкент шаҳар филиали мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўради.
Изоҳ (1)
Toshkentda vaqtincha o‘chirilsa shunchala, ogohlantirish, vaqtini ma'lum qilish OAVga chiqarish. Boshqa viloyat tumanlarichi. Mana bizdao‘har kuni shom maxal ayni ovqat payti svet o‘chadi. Biro‘ ogohlantirmediyam hatto