Ўзбекистон Буюк Британиянинг халқаро сўз ва ахборот эркинлигини қўллаб-қувватловчи Article 19 ташкилотининг сўз эркинлиги рейтингида юқорилади.
2022 йил якунларига кўра тузилган The Global Expression Report рейтингига кўра, Ўзбекистон 161 та давлат ичидан 133-ўринни эгаллади. 2021 йилги натижа билан таққослаганда республика уч поғонага кўтарилди.
Ушбу рейтингда Марказий Осиё давлатлари қуйидагича ўрин олди:
- Қирғизистон — 104-ўрин;
- Қозоғистон — 121-ўрин;
- Тожикистон — 149-ўрин;
- Туркманистон — 159-ўрин.
Рейтингда энг юқори ўринлардан Дания, Швеция, Норвегия, Швейцария ва Финландия жой олди. Охирги ўринда Шимолий Корея қайд этилди.
Рейтингни тузишда 25 та кўрсаткич, жумладан, интернет ва ОАВлардаги цензура, диний эътиқод эркинлиги, академик ва маданий муҳит ва бошқалар ҳисобга олинади.
Изоҳ (0)