Андижон вилоятидаги мактабларнинг бирида 17 ёшли йигит Instagram’даги ёзишма сабаб 18 ёшли танишини дўппослади. Вилоят ИИБ ҳолат юзасидан маълумотларни очиқлади.
Унга кўра, 12 июль куни Андижон шаҳрида яшовчи, 2006 йилда туғилган Н.И. ўзига таниш бўлган, Олтинкўл туманида яшовчи, 2005 йилда туғилган К.М.ни Instagram орқали ҳақорат қилганини сабаб қилиб, уни 23-сонли умумтаълим мактаби ҳудудига чақиртирган. Бу жойда Н.И. таниши К.М.га нисбатан жисмоний куч ишлатган. Содир бўлган воқеада К.М.нинг тан жароҳати олган ёки олмаганини аниқлаш мақсадида суд тиббий экспертизаси тайинланган.
Ушбу ҳолат воқеа иштирокчилари, уларнинг ота-оналари ҳамда мактаб ишчи-ходимлари иштирокида муҳокама қилиниб, ҳозирда Андижон шаҳри бўйича ИИО ФМБ томонидан терговга қадар текширув ишлари олиб борилмоқда.
Изоҳ (0)