13 июлга ўтар кечаси Россия Қуролли кучлари Киевга камикадзе-дронларини учирди. Ҳаво ҳужумидан мудофаа тизимлари Украина пойтахти устида “ўнга яқин” дронларни уриб туширди, уларнинг қолдиқлари шаҳарнинг Дарницк, Соломенск, Шевченков, Оболонск ва Подолск туманларига қулади, деб хабар бермоқда “УНИАН”.
Камида тўрт киши яраланган, дейди Киев мери Виталий Кличко. Унинг сўзларига кўра, Подолск туманидаги хонадонлардан бирида дрон қолдиқлари тушиши оқибатида бошланган ёнғинда бир киши ҳалок бўлган.
Украина Қуролли кучлари Ҳарбий-ҳаво кучлари қўмондонлиги Россия қўшинлари Украина ҳудудида жами 20 та дрон ва иккита қанотли ракета учирганини маълум қилди, уларнинг барчаси уриб туширилган.
.jpg)
Россия қўшинлари кетма-кет учинчи кеча Киевга учувчисиз учоқлар билан ҳужум қилмоқда. 11 ва 12 июль кунлари Украина пойтахти ҳарбий маъмурияти Киевда қурбонлар ва вайронагарчиликлар йўқлиги, барча дронлар уриб туширилгани ҳақида хабар берган эди.
Изоҳ (0)