Озарбайжон президенти Илҳом Алиев ва Арманистон бош вазири Никол Пашинян 15 июль куни Брюсселда учрашади. Йиғилишда Европа кенгаши раиси Шарл Мишел ҳам иштирок этади. Бу ҳақда Пашинян ҳукумат йиғилишида маълум қилди.
“Ушбу учрашувда иштирок этишимни тасдиқладим. Умид қиламанки, учрашув давомида тинчлик шартномаси бўйича музокараларда муваффақиятга эришиш мумкин бўлади”, — деди Арманистон бош вазири. Унинг тўлиқ нутқи ҳукумат сайтида эълон қилинди.
Май ойи охирида Никол Пашинян, Илҳом Алиев ва Россия президенти Владимир Путин учрашди. Учрашув тахминан 20 дақиқа давом этган.
Арманистон бош вазири Қорабоғни Озарбайжоннинг бир қисми сифатида тан олишга тайёрлигини, эвазига у ерда яшовчи арманларнинг ҳуқуқлари ва хавфсизлиги кафолатланиши шартлигини маълум қилди.
Изоҳ (0)