АҚШ ҳарбийлари Суриядан Ироққа 39 та нефть ортилган автоцистернани олиб кетди, дея хабар бермоқда Сурия давлат агентлиги SANA манбаларга таяниб.
Суриянинг Ал-Ҳасака вилоятидаги Ал-Ярубия туманидаги манбаларга кўра, нефть ортилган 39 та автоцистерна ҳарбий машиналар ҳамроҳлигида вилоятда ноқонуний фаолият юритаётган "Маҳмудия" чегара пункти орқали Суриядан Ироқ шимолига йўл олган.
Шунингдек, манбаларнинг қўшимча қилишича, АҚШ ҳарбийлари ноқонуний базаларини мустаҳкамлаш доирасида Ал-Ҳасакадаги “Ал-Валид” назорат пункти орқали цемент ва логистика материаллари ортилган 30 та юк машинаси ва цистерналарни Сурияга олиб кирган.
Аввалроқ Сурия ташқи ишлар вазири Файсал Миқдод 2011 йилдан 2022 йилгача мамлакатнинг нефть-газ соҳаларига етказилган зарар 107 миллиард долларни ташкил этганини маълум қилганди.
Изоҳ (0)