“Толибон” матбуот котиби Забиуллоҳ Мужоҳид Афғонистонда қолган АҚШ қурол-яроғларининг Эрон ва Фаластинга сотилгани ҳақидаги хабарни рад этди ва буни “ташвиқот” деб атади. Бу ҳақда Hasht-e Subh Daily хабар берди.
Мужоҳид АҚШ Вакиллар палатаси Ташқи алоқалар қўмитаси раиси Майкл Макколнинг “Толибон” АҚШдан қолган қурол-яроғларни сотаётгани ҳақидаги баёнотлари ҳақиқатга тўғри келмаслигини айтди.
“Хорижий қўшинлар чиқариб юборилиб, Ислом амирлиги тўлиқ суверенитетга эга бўлгандан сўнг барча қурол-яроғ, техника ва транспорт воситалари мамлакат омборлари ва заҳираларида сақланаётгани, ҳеч кимга ҳатто битта қуролни олиб чиқиш ва сотишга рухсат берилмагани ҳақиқатдир”, — деди Мужоҳид.
У “бу турдаги тарғибот Афғонистондаги мавжуд барқарорлик ва назоратга тоқат қила олмайдиган танглик ва худбинликка интилаётган кимсаларнинг фитнаси” эканини билдирди. атади.
Изоҳ (0)