Бирлашган Миллатлар Ташкилотининг Украинадаги Инсон ҳуқуқлари мониторинги миссияси 2022 йилнинг 24 февралидан буён Украинадаги урушда 9 000 нафардан ортиқ тинч аҳоли вакиллари ҳалок бўлганини маълум қилди. Ҳалок бўлганлардан 500 нафардан ортиғини вояга етмаганлар ташкил қилади.
“Уруш тинч аҳолига даҳшатли зарар етказмоқда”, — деди БМТ миссияси раҳбари ўринбосари Ноэль Калхун.
Ҳақиқий рақамлар анча юқори бўлиши мумкин, чунки БМТ экспертлари фақат мустақил равишда текшириш ва тасдиқлаш имкониятига эга бўлган ўлим ҳолатларини ҳисобга олишади, деб таъкидлайди AFP агентлиги.
Унинг сўзларига кўра, тинч аҳоли ўртасида ўлим кўрсаткичларининг ўсиши баҳорда бир оз пасайганидан кейин май ва июнь ойларида яна кўпайган.
Умуман олганда, 2022 йил 24 февральдан 2023 йил 30 июньгача БМТ экспертлари 9 177 нафар қурбон ва 15 993 нафар жароҳат олганларни қайд этишди.
Изоҳ (0)