Бахмут йўналишидаги вазият кескинлашди. Бу ҳақда Украина мудофаа вазири ўринбосари Анна Маляр маълум қилди.
Унинг сўзларига кўра, Украина Қуролли кучлари ташаббусни қўлга олиш учун рус ҳарбийларига қарши курашмоқда. 3 июль куни Россия кучлари ҳужумга ўтишга ҳаракат қилгани, аммо муваффақиятга эриша олмагани айтилмоқда.
“Аммо Украина мудофаа кучлари маълум натижаларга эриша олди”, — деди Маляр ва бунга аниқлик киритмади.
Шунингдек, у вазият тез ўзгариши мумкинлигини билдирди. Худди шу позициялар кунига икки марта қўлдан қўлга ўтиши мумкин.
“Душман бизнинг барча ҳаракатларимизга фаол жавоб бермоқда ва таҳдидли йўналишларда учта мудофаа чизиғини яратмоқда”, — деди Украина мудофаа вазири ўринбосари.
У Клешиевка яқинидаги жанубий қанотда Украина қўшинлари олдинга силжишаётганини, аммо шиддатли жанглар кечаётганини билдирди. Тўқнашувлар шимолий қанотда ҳам давом этмоқда. Бахмутнинг ўзида ҳам вазият нотинч.
“Шаҳардаги рус қўшинлари тинимсиз ўт очмоқда, моддий-техник таъминотимизни бузишга ва максимал даражада йўқотишларга учрашимизга ҳаракат қилмоқда. Шу билан бирга, ҳимоячиларимиз уларнинг шаҳар бўйлаб ҳаракатланишига йўл қўймайди ва душман позицияларига ўт очиб зарба беради”, — деди Маляр.
Изоҳ (0)