Тошкент шаҳар Миробод туманидаги 1-сон оилавий поликлиникада ишлаётган шифокорларга ваъда қилинган устама пуллари берилмаётганига доир хабарлар тарқалди. ССБ ҳолат юзасидан муносабат билдирди.
Аниқланишича, ушбу мурожаат эгаси шифокор Қ.С. бўлиб, 2022 йил 1 ноябрдан Миробод туман 1-сон оилавий поликлиникасига 0,5 штат асосида тиббий бригада оила шифокори лавозимига ишга қабул қилинган.
Қ.С. айни пайтда Тошкент давлат стоматология институтида 6-босқичда таҳсил олаётгани, яқин ойларда ҳомиладорлик таътилига чиқишини ҳисобга олган ҳолда президентнинг “Тиббиёт муассасалари ходимларини моддий қўллаб-қувватлаш ҳамда рағбатлантиришни кучайтириш чора-тадбирлари тўғрисида”ги фармони ва Вазирлар Маҳқамасининг “Тиббиёт ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида”ги қарори ҳамда бошқа тегишли ҳужжатларга мувофиқ поликлиника рағбатлантириш комиссияси томонидан салоҳиятли янги иш бошлаган ёш шифокорлар рўйхатига киритилмаган.
Шу боисдан унга устама пули белгиланмаган. Шифокор Қ.С. билан суҳбат давомида унга бу ҳақда маълумот берилиб, тегишли лавозим маоши тайинлангани тушунтирилган.
Изоҳ (0)