Россиянинг Кабардино-Балкария республикасида номаълум эркак масжидда Қуръоннинг бир нечта нусхасини ёқиб юборди. Бу ҳақда BAZА хабар берди.
![](/static/2023/zulfiya/photo_2023-07-02_18-27-13.jpg)
Ҳодиса 2 июлга ўтар кечаси Чегем Иккинчи қишлоғида содир бўлган. Эркак маҳаллий масжидга борган ва Қуръон нусхаларига бензин сепиб, уни ёқиб юборган. Чегемский тумани раҳбари Юра Борсов воқеада диний мотив йўқлигини айтмоқда.
![](/static/2023/zulfiya/photo_2023-07-02_18-32-02.jpg)
“Ҳозирда ўт қўйишда содир этган шахс қўлга олинди ва ўз қилмишини 'ички овозидаги чақириқлар' билан изоҳламоқда”, — деди расмий ва масжиддаги ёнғин тезда ўчирилганини айтди.
28 июнь куни Россия президенти Владимир Путин мамлакатда Қуръонга ҳурматсизлик бошқа баъзи мамлакатлардан фарқли равишда жиноят эканини эслатганди.