Ливиядаги “Вагнер” авиабазасига Туркия дронлари ҳужум қилди. Бу ҳақда мамлакат Мудофаа вазирлигидаги манбага таяниб, Аrabi21 хабар берди.
![](/static/2023/zulfiya/photo_2023-07-02_13-14-10.jpg)
Маълум қилинишича, Туркияда ишлаб чиқарилган Bayraktar Аkinji дронлари томонидан берилган зарбалар Ливия Миллий бирлик ҳукумати (мамлакатнинг 2021 йилдан буён муваққат ҳукумати) кучлари томонидан амалга оширилган.
“Зарбалар оқибатида қурбонлар йўқ”, — дея қўшимча қилди манба.
“Вагнер” объектлари мамлакатнинг иккинчи йирик шаҳри Бенғозидан 150 километр жануби-ғарбда жойлашган. Россиянинг Ливиядаги элчихонаси ва Ливия Мудофаа вазирлиги хабарга муносабат бермаган.
- Маълумот ўрнида, “Вагнер” хусусий ҳарбий кампанияси 2018 йилдан бери Ливиядаги ҳарбий ҳаракатларда қатнашмоқда.
- Асосан, у фельдмаршал Халифа Хафтар (Ливия миллий армияси) томонида ҳаракат қилган.