Virgin Galactic космик самолёти ўзининг биринчи тижорий суборбитал парвозини амалга оширди. Бу ҳақда компаниянинг Twitter саҳифасида хабар берилди.
VSSUnity космик самолёти бортида уч нафар йўловчи ва Virgin Galactic компаниясининг беш нафар ходими бўлган. Йўловчилар Италия Ҳарбий-ҳаво кучларининг икки полковниги ва Италия Миллий тадқиқот кенгаши муҳандиси эди.
Самолёт Нью-Мексико штатидаги “Америка” космодромидан учирилди. WK2 самолёт-ташувчиси VSS Unityни' тахминан 15 километр баландликка олиб чиқди, шундан сўнг космик кема WK2 дан ажралди. Сўнгра у деярли вертикал равишда тахминан 80 километр баландликка кўтарилди, бир неча дақиқа вазнсизликда бўлди ва пасайишни бошлади. Парвоз бошланганидан тахминан бир ярим соат ўтгач, кема хавфсиз қўнди.
Virgin Galactic launches its first commercial spaceflight from New Mexico, sending paying customers to the edge of space for the first time https://t.co/CPsJ8vP27K pic.twitter.com/alJDvn4WYT
— Bloomberg UK (@BloombergUK) June 29, 2023
Sky News аниқлик киритишича, космик самолётнинг навбатдаги парвози 2023 йил августига режалаштирилган. Шундан сўнг Virgin Galactic ҳар ой парвоз қилишни режалаштирмоқда.
Al Jazeera нашрининг ёзишича, компания бўлажак рейслар учун 800 га яқин чипта сотган – улардан 600 таси 2005—2014 йилларда 200 мингдан 250 минг долларгача бўлган нархларда сотилган. Кейинги йилларда яна 200 та ўрин ажратилди. Уларнинг нархи 450 минг долларга етди.
Virgin Galactic бир неча йиллардан бери суборбитал туристик парвозларни ташкил этиш устида ишламоқда. Компания ўтган ўн йил орасида биринчи сайёҳларни парвозга жўнатишни режалаштирган эди. Компания ўтган ўн йил орасида биринчи сайёҳларни парвозга жўнатишни режалаштирган эди, бироқ космик кемани ишлаб чиқиш ва синовдан ўтказиш кечиктирилди.
2021 йил июль ойида Virgin Galactic эгаси Ричард Бренсон VSS Unity бортида муваффақиятли суборбитал парвозни амалга оширди.
Изоҳ (0)