Англияда икки мингдан ортиқ уй ғоз туфайли электрсиз қолди. Қуш кабелга урилган, натижада электр таъминотида узилиш рўй берган.
Воқеа эрта тонгда содир бўлди. Натижада Уиган ва Болтон шаҳарлари аҳолиси токсиз қолди. Маҳаллий энергетика компанияси мутахассислари авария жойига етиб борганини ва аварияни бартараф этиш устида иш олиб бораётганини маълум қилди. Аҳоли турар жойларининг баъзи қисмида электр таъминотини қайта тиклаш учун 1 соатча вақт керак бўлган.
“Муҳандислар ҳозир воқеа жойида иш олиб боришмоқда. Қолган объектларни имкон қадар тезроқ электр қуввати билан таъминлаш устида ишлашмоқда”, — деди компания вакили.
Шуниси эътиборга лойиқки, шунга ўхшаш воқеа бир йил олдин Англиянинг худди шу ҳудудида содир бўлган. Ғоз туфайли Блекрод шаҳрида (Болтон яқинида) электр кабелларида узилиш юз бериб, ёнғин келиб чиққанди, деб хабар беради BBC News.
Изоҳ (0)