Virgin Galactic kosmik samolyoti o‘zining birinchi tijoriy suborbital parvozini amalga oshirdi. Bu haqda kompaniyaning Twitter sahifasida xabar berildi.
VSSUnity kosmik samolyoti bortida uch nafar yo‘lovchi va Virgin Galactic kompaniyasining besh nafar xodimi bo‘lgan. Yo‘lovchilar Italiya Harbiy-havo kuchlarining ikki polkovnigi va Italiya Milliy tadqiqot kengashi muhandisi edi.
Samolyot Nyu-Meksiko shtatidagi “Amerika” kosmodromidan uchirildi. WK2 samolyot-tashuvchisi VSS Unity’ni taxminan 15 kilometr balandlikka olib chiqdi, shundan so‘ng kosmik kema WK2 dan ajraldi. So‘ngra u deyarli vertikal ravishda taxminan 80 kilometr balandlikka ko‘tarildi, bir necha daqiqa vaznsizlikda bo‘ldi va pasayishni boshladi. Parvoz boshlanganidan taxminan bir yarim soat o‘tgach, kema xavfsiz qo‘ndi.
Virgin Galactic launches its first commercial spaceflight from New Mexico, sending paying customers to the edge of space for the first time https://t.co/CPsJ8vP27K pic.twitter.com/alJDvn4WYT
— Bloomberg UK (@BloombergUK) June 29, 2023
Sky News aniqlik kiritishicha, kosmik samolyotning navbatdagi parvozi 2023-yil avgustiga rejalashtirilgan. Shundan so‘ng Virgin Galactic har oy parvoz qilishni rejalashtirmoqda.
Al Jazeera nashrining yozishicha, kompaniya bo‘lajak reyslar uchun 800 ga yaqin chipta sotgan – ulardan 600 tasi 2005—2014-yillarda 200 mingdan 250 ming dollargacha bo‘lgan narxlarda sotilgan. Keyingi yillarda yana 200 ta o‘rin ajratildi. Ularning narxi 450 ming dollarga yetdi.
Virgin Galactic bir necha yillardan beri suborbital turistik parvozlarni tashkil etish ustida ishlamoqda. Kompaniya o‘tgan o‘n yil orasida birinchi sayyohlarni parvozga jo‘natishni rejalashtirgan edi. Kompaniya o‘tgan o‘n yil orasida birinchi sayyohlarni parvozga jo‘natishni rejalashtirgan edi, biroq kosmik kemani ishlab chiqish va sinovdan o‘tkazish kechiktirildi.
2021-yil iyul oyida Virgin Galactic egasi Richard Brenson VSS Unity bortida muvaffaqiyatli suborbital parvozni amalga oshirdi.
Izoh (0)