Бразилия президенти Лула да Сильва интервью чоғида Европа мамлакатларидаги қабуллар чоғида тақдим этилган таомлардан норози эканини айтди. Видео сиёсатчининг YouTubeъдаги каналида мавжуд.
“Мен Франция президенти Эммануел Макрон ва Италия етакчиси Сержио Маттарелла билан тушлик қилдим. Икки маҳал овқат берилди, овқатлар менга ёқмади”, — дейди Лула да Сильва.
Бразилия раҳбари жуда кичик порсиялардан қониқмаган.
“Бунга кўниколмаяпман, менга кўп миқдорда таом керак. Балки, бу мен томондан очкўзликдир, лекин мен кўп миқдорни яхши кўраман, — тушунтирди Лула да Сильва.
У саёҳат пайтида Бразилиянинг анъанавий таомлари бўлган рабада (сабзавот билан димланган ҳўкиз думи) ва галинҳади (товуқ гўшти ва гуруч)ни соғинишини тан олди.
Ўтган ҳафта Бразилия президенти Европага ташриф билан келди. 21 июнь куни у Ватиканда Рим папаси билан учрашув ўтказди, Римда Маттарелла билан учрашди ва кейин Францияга саёҳат қилди ва у эрда янги глобал молиявий пакт бўйича саммитда қатнашди.
Изоҳ (0)