Жарроҳликдан кейинги парҳез — бу операциядан кейин янги овқатланиш режаси. Ушбу режани тузиб чиқиш учун жарроҳ ёки диетолог билан ишлаш керак, улар сизга турмуш тарзидаги ўзгаришлар ва янги парҳез қоидаларига кўникишингизга ёрдам беради.
Операциядан кейинги парҳез: булёнлардан енгил таомларгача
Бир қатор жарроҳлик операцияларидан кейин махсус парҳез талаб этилади. Одатда бу овқат ҳазм қилиш тизимига у ёки бу тарзда таъсир қиладиган операциялар: ичаклардаги операция, кўричак ёки ўт пуфагини олиб ташлаш операцияси ва бошқалар. Бундай ҳолларда жарроҳлик амалиётидан кейинги диеталар шунга ўхшаш принципларга асосланади.
Овқат ҳазм қилиш тизими ёки унинг бир қисми тўлиқ тикланиши учун операциядан сўнг дарҳол шифокорнинг диета борасидаги кўрсатмаларига риоя қилиш жуда муҳимдир. Бу тахминан бир ой ёки ундан кўпроқ вақт олади. Бундан ташқари, айниқса, дастлабки ҳафталарда ошқозонни эҳтиёт қилиш керак. Қайт қилиш мумкин бўлган ҳолатлардан қочиш зарур. Операциядан сўнг дарҳол кўп сув ичмаслик керак. Оғзингизга муз бўлакларидан солиб, уни шимган маъқул. Жарроҳликдан бир кун ўтгач, оз миқдорда сув ичишни бошласангиз бўлади.
Операциядан кейинги парҳез: биринчи навбатда ошқозонни ҳимоя қиламиз
Операциядан кейинги илк даврда диетанинг мақсади ошқозонни ҳимоя қилишдир. Бу даврда ошқозон енгил суюқликларни ҳазм қилиши мумкин. Шу билан бирга, организмдаги сув миқдорини керакли даражада ушлаб туриш зарур. Бу даврда истеъмол қилиниши мумкин бўлган суюқликларга қуйидагилар киради: тиниқ булён ёки шўрва (сабзавот ёки гўштсиз), ёғсиз сут ва мева шарбати.
Бир ҳафта ичида аста-секин енгил овқатлар ейишни бошласангиз бўлади. Таомлар пюре шаклида худди болалар овқатлари каби юмшоқ бўлиши керак. Бу қаттиқроқ овқатларга ўтишни осонлаштиради. Протеин операциядан кейинги диетанинг муҳим қисми бўлганлиги сабабли протеинга бой овқатлар истеъмол қилишингиз, сўнгра мева ва сабзавотларга ўтишингиз лозим.
Операциядан кейинги диетанинг ушбу босқичидаги овқатлар қуйидагиларни ўз ичига олиши мумкин:
- Товуқ гўшти (терисиз) қиймаси ёки балиқ;
- Картошка пюреси;
- Нўхат пюреси;
- Кам ёғли йогурт ёки пудинг.
Фото: Woman
Операциядан 3-4 ҳафта ўтгач, диетангизга балиқ ёки товуқ каби пиширилган овқатларни киритсангиз бўлади. Овқатни яхшилаб чайнанг ва бу одатга айлансин. Озиқ-овқатларни кичикроқ бўлакларга олдиндан кесиб олинг. Борди-ю, ушбу кераксиз кўринадиган эҳтиёт чораларига риоя қилинмаса, қусиш, тирналиш хусусияти ва ошқозон шиши кузатилиши эҳтимоли юқоридир. Ҳар доим хавфсиз бўлган яхшироқдир!
Изоҳ (0)