Таиланд полицияси тақиқланган моддаларнинг катта партиясини йўқ қилди. Шаффофликни таъминлаш учун бу иш омма олдида амалга оширилди, деб хабар бермоқда “MIR 24” телеканали.
Мусодара қилинган гиёҳванд моддалар солинган пакетлар журналистларга намойиш этилди. Полициянинг маълумотларига кўра, бу контрабанда билан боғлиқ 200 га яқин ҳолат бўйича ўтказилган тезкор тадбирлар натижасида қўлга киритилган гиёҳванд моддалардир.
Мусодара қилинган гиёҳванд моддаларнинг умумий қиймати қарийб 600 миллион долларни ташкил қилган.
26 июнь куни Тошкентда ҳам 2 тонна гиёҳвандлик воситалари махсус печларда ёқиб юборилгани хабар қилинганди.
Изоҳ (0)