Испанияда рекорд даражадаги иссиқ ҳаво кузатилмоқда. Севилья ва Кордовада ҳарорат 48 даражадан ошиқни кўрсатмоқда, деб хабар берди MIR 24.
Ҳудудларда хавфнинг “қизил” даражаси эълон қилинди. Очиқ ҳавода ишлайдиган одамлар учун иш куни қисқартирилди. Иссиқ ҳарорат аллақачон фожиали оқибатларга олиб келди: 47 ёшли ферма ишчиси иссиқ уришдан вафот этди.
Сайёҳлар ва маҳаллий аҳоли кафе ҳамда музейларда қуёшдан яширинмоқда. Аммо муздек сув, шляпа ва қуёшга қарши крем сотувчиларининг даромади сезиларли даражада ошди.
2022 йилдаги ёз фасли шу пайтгача Европадаги энг иссиқ ёз ҳисобланганди. Аммо метеорологларнинг таъкидлашича, ҳар бир кейинги йил янада иссиқроқ бўлади. Бу йил баҳорда Испанияда ҳарорат тахминан 35 даражани ташкил этди, бу одатдагидан анча юқори ҳисобланади.
Изоҳ (0)