Американинг Чикаго ва Детройт шаҳарлари IQAir порталининг кунлик янгиланадиган маълумотларига кўра, ҳаво сифати энг ёмон аҳоли пунктлари рейтингида биринчи ўринни эгаллади.
27 июнь Сешанба ҳолатига кўра, ҳаво ифлосланиши бўйича 100 та шаҳар ичида Чикаго 176 балл билан биринчи, Детройт эса 159 балл билан иккинчи ўринни эгаллади.
Учинчи ва тўртинчи ўринларда Покистоннинг Карачи ва Лаҳор шаҳарлари, бешинчи ўринда эса ҳавонинг ифлосланиш даражаси 105 балл бўлган Пекин жойлашган.
АҚШ шимолидаги Американинг иккала шаҳри ҳам Канададаги ўрмон ёнғинлари таъсири остида қолмоқда, заҳарли тутун Иллинойс, Мичиган, Висконсин, Миннесота, Аёва, Небраска, шунингдек Шимолий ва Жанубий Дакота штатларини қамраб олишда давом этмоқда.
Изоҳ (0)