Приянка Чопра кўп жиҳатлари учун муҳокама қилинган. У узоқ вақт турмушга чиқмагани, эри ўзидан 10 ёш кичиклиги, суррогат оналикка мурожаат қилгани учун кўпчиликнинг эътирозига сабабчи бўлган. Бироқ унинг эри Приянкани шунчалик яхши кўрадики, ҳатто Оталар кунини ҳам ўзининг эмас, балки рафиқасининг байрами деб ҳисоблайди.
Приянка ва Ник учун ота-оналик йўли қийин ва машаққатли кечди. 39 ёшли актриса суррогатликка мурожаат қилишга мажбур бўлди ва, албатта, хейтерлар бу ҳақда кескин изоҳ бериш имкониятини қўлдан бой беришмади. Гарчи у анчадан бери бундай танқидларга эътибор бермай келаётган бўлса-да, узоқ кутилган қизи ҳақидаги гаплар уни жуда хафа қилганини очиқчасига тан олади.
“Нималарни бошдан кечирганимни билмайсиз. Ўзимнинг ёки қизимнинг касаллик тарихини эълон қилишни хоҳламаслигим бошқаларга қандайдир сабабларни ўйлаб топишга ҳуқуқ бермайди”.
Чақалоқ Малти дастлабки 100 кунини янги туғилган чақалоқларнинг интенсив терапия бўлимида ўтказди. Ниҳоят қизалоққа уйга рухсат беришганида эса Ник хотинига бу машаққатли йўлни бирга босиб ўтганликлари учун миннатдорлик сўзларини ёзди: “Сен ақл бовар қилмайдиган даражада ажойиб онасан”.
Бир йил ўтгач, Ник ҳам Приянкани ҳайратда қолдиради. Оналар кунида рафиқаси унинг дунёсини том маънода ёритаётганини таъкидлайди.
Приянканинг ўзи ҳам эрига бўлган муҳаббатини тан олади. “Эрим — энг катта ҳимоячим. Оилам эса энг катта кучимдир”.
Бу йил Ник хотинини нафақат оналар куни, балки Оталар куни билан ҳам табриклашга қарор қилди. Қўшиқчи Приянка бу байрамларга ўзидан кўра кўпроқ лойиқ, деб ҳисоблайди. Шунинг учун у иккала байрамни ҳам рафиқасининг оналик муҳаббатига атади.
“Биз оталар, ажойиб аёлларимизсиз ҳеч қачон ота бўлолмас эдик. Ахир, улар ота-оналик орзусини рўёбга чиқарадилар”.
Айтганча, Никни бундай қарорга келишига ўз отаси илҳомлантирган. Қўшиқчи бу ҳақда шундай дейди: “Дадам Оталар кунида бошқаларни севишини ҳис қилиш учун ажойиб иш қилди ва мен ундан ўрнак олишга ҳаракат қиламан”.
Никнинг сўнгги альбомида чақалоқ Малти ва гуруҳдошларининг қизларига бағишланган жуда таъсирли қўшиқ ўрин олган.
"Бу, эҳтимол, бизнинг энг шахсий қўшиғимиздир. Унда биз оталик ҳақида гапирамиз ва ҳаммамизнинг қизларимиз бор. Шундай қилиб, биз дунёдаги энг муҳим нарса ҳақида гапирамиз: қандай ота-она бўлиш кераклиги ҳақида”.
Изоҳ (0)