Ўзбекистонда каналлар, гидротехник иншоотлар, насос станциялар реконструкция қилинади. Бу ҳақда “Маъмурий ислоҳотлар доирасида сув хўжалиги соҳасида давлат бошқарувини самарали ташкил қилиш чора-тадбирлари тўғрисида”ги президент фармонида белгиланди.
Унга кўра, 2023 йил давомида 324,5 километр каналлар, 665 дона гидротехник иншоот реконструкция қилинади, 5 та насос станция модернизация қилинади, 140 та объектларга автоматлаштирилган тизим ўрнатилади.
Сув хўжалиги объектларини қуриш ва реконструкция қилиш лойиҳалари доирасида хорижий инвестициялар ҳисобидан 116 миллион доллар, Тикланиш ва тараққиёт жамғармаси ҳисобидан 9,3 миллион доллар, давлат бюджети маблағлари ҳисобидан 208 миллиард сўм сарфланади.
Изоҳ (0)