Сурхондарёда 21 июнь куни соат 08:10 ларда поезд “Жигули”ни уриб юборди. Бу ҳақда ИИВ Транспорт ва туризм объектларида хавфсизликни таъминлаш департаменти хабар берди.
Маълум қилинишича, 6376-сонли Термиз—Сариосиё шаҳарлараро қатновчи йўловчи поезди “Қумқўрғон—Элбаян” темир йўл бекатлари оралиғида кетаётган вақтида, ушбу бекатларнинг 4538-километри 10-пикетида жойлашган қўриқланмайдиган кесишмасидан, фуқаро М.М. (1956 йилда туғилган) “ВАЗ-2107” машинасида ўтаётганида, ўзининг эҳтиётсизлиги оқибатида поезд уриб юборган.
Ҳодиса оқибатида тан жароҳати олганлар йўқ. Йўловчи поезди соат 08:12 да тўхтаб, соат 08:50 да ўз ҳаракатини давом эттирган.
Изоҳ (0)