Ўзбекистонда абитуриентларни “My.gov.uz” портали орқали онлайн рўйхатга олиш бошланди.
2023/2024-ўқув йили учун ОТМларнинг бакалавриат таълим йўналишларига шахсий ташрифсиз, қоғоз ҳужжатлар ва ҳеч қандай навбатларсиз онлайн рўйхатга олиш учун талабгор қуйидаги ҳавола орқали телефон рақамини авторизациядан ўтказиб, паспорт маълумотлари, доимий яшаш манзили ва тугатган таълим муассасаси бўйича маълумотларини кирица, шунингдек, имтиёзи мавжудлар уларни текшириб, чет тилидан миллий ёки халқаро сертификати борлар бу ҳақдаги маълумотларни юклашса кифоя.
Таълим йўналишини янги ўқув йили учун қабул параметрларининг таълим тиллари бўйича тақсимоти тасдиқланганидан сўнггина танлаш мумкин бўлади.
Тест синовларида иштирок этиш учун абитуриентлардан БҲМнинг 50 фоизи (165 000 сўм) миқдорида тўлов ундирилади.
Қуйидаги тоифага кирувчи абитурентлар тўловдан озод этилади:
- тест синовлари ташкил этилаётган ўқув йилида таълим муассасаларини битирганлар;
- I, II ва III гуруҳ ногиронлиги бўлган шахслар;
- “Ижтимоий ҳимоя ягона реестри” ахборот тизимида рўйхатга олинган шахслар ва уларнинг фарзандлари;
- “Ёшлар дафтари”га киритилган ёшлар;
- тўлиқ давлат таъминотидаги шахслар.
Рўйхатга олиш 20 июлга қадар (20 июль куни ҳам) давом этишини ҳисобга олиб, абитуриентлар охирги кунгача ўз маълумотларини ўзгартириши, чет тилидан миллий ёки халқаро сертификат олганлар улар ҳақидаги маълумотларини келтириши мумкин бўлади.
Изоҳ (0)