Германиянинг Рутс шаҳри яқинидаги “Европа-Парк” кўнгилочар боғида ёнғин содир бўлди. Оқибатда 25 минг одам эвакуация қилинди.
nt-v телеканали эфирида полиция ҳозирда ўт ўчирувчиларнинг катта контингенти ёнғинга қарши кураш олиб бораётганини, вазият назорат остида эканлигини маълум қилди.
“Ҳозирда барча ташриф буюрувчилар паркни уюшқоқлик билан тарк этмоқда. Қурбонлар ҳақида маълумот йўқ”, — дейилади қўшни Оффенбург полицияси баёнотида.
Оператив хизматлар вазият назорат остида эканини билдирган.
“Европа-парк” — Германиядаги энг катта кўнгилочар маскан. Унинг майдони 100 гектар. Ҳар йили унга 5,5 миллион киши ташриф буюради.
Аввалроқ Филиппинда бортида 120 нафар йўловчи ва экипаж аъзолари бўлган паром очиқ денгизда ёниб кетган эди. Ёнғин беш соат ичида ўчирилиб, одамлар хавфсиз жойга эвакуация қилинган, жабрланганлар йўқ.
Изоҳ (0)