Germaniyaning Ruts shahri yaqinidagi “Yevropa-Park” ko‘ngilochar bog‘ida yong‘in sodir bo‘ldi. Oqibatda 25 ming odam evakuatsiya qilindi.
nt-v telekanali efirida politsiya hozirda o‘t o‘chiruvchilarning katta kontingenti yong‘inga qarshi kurash olib borayotganini, vaziyat nazorat ostida ekanligini ma’lum qildi.
“Hozirda barcha tashrif buyuruvchilar parkni uyushqoqlik bilan tark etmoqda. Qurbonlar haqida ma’lumot yo‘q”, — deyiladi qo‘shni Offenburg politsiyasi bayonotida.
Operativ xizmatlar vaziyat nazorat ostida ekanini bildirgan.
“Yevropa-park” — Germaniyadagi eng katta ko‘ngilochar maskan. Uning maydoni 100 gektar. Har yili unga 5,5 million kishi tashrif buyuradi.
Avvalroq Filippinda bortida 120 nafar yo‘lovchi va ekipaj a’zolari bo‘lgan parom ochiq dengizda yonib ketgan edi. Yong‘in besh soat ichida o‘chirilib, odamlar xavfsiz joyga evakuatsiya qilingan, jabrlanganlar yo‘q.
Izoh (0)