“Ўзгидромет” 18 июнь, якшанба куни учун об-ҳаво прогнозини эълон қилди.
Унга кўра, ҳаво бир оз булутли бўлади, баъзи жойларда ўзгариб туради, ёғингарчилик кутилмайди, фақат Қорақолпоғистон республикасида куннинг биринчи ярмида баъзи жойларда қисқа муддатли ёмғир ёғиши, момақалдироқ бўлиши мумкин.
Шарқий шамол йўналишини ўзгартириб, ғарбдан 7-12 метр/секунд тезликда эсади, шимолда ва чўл ҳудудларининг баъзи жойларида 15-20 метр/секундгача кучайиши кутилмоқда. Баъзида 22-25 метр/секундгача кучайиши, айрим жойларда чанг-тўзон билан кузатилиши мумкин. Ҳарорат 36-41 даража, жанубда ва чўл ҳудудларда 42-45 даражагача иссиқ бўлади.
Тошкентда ҳаво бир оз булутли бўлади, ёғингарчилик кутилмайди. Шамол шарқдан 7-12 метр/секунд тезликда эсади. Ҳарорат 38-40 даража бўлади.
Республиканинг тоғолди ва тоғли ҳудудларида ҳаво бир оз булутли бўлади, вақти-вақти билан ўзгариб туради, баъзи жойларда қисқа муддатли ёмғир ёғиши, момақалдироқ бўлиши мумкин. Шамол шарқдан 7-12 метр/секунд тезликда эсади. Ҳарорат 27-32 даража бўлади.
Изоҳ (0)