Ўзбекистонга келаси ҳафта бошида салқин ҳаво кириб келади

Ўзбекистоннинг шимолий ҳудудларига 19 июнда, республиканинг барча ҳудудларига 20 июнда Кавказдан нисбатан салқин ҳаво массаси кириб келади, деб хабар бермоқда “Ўзгидромет” директори.

Маълум қилинишича, 17—19 июнь кунлари Ўзбекистон ҳудудлари бўйлаб ҳаво ҳарорати 40-41 даражагача, жанубда 42-45 даражагача кўтарилади.

18 июнда Қорақалпоғистон Республикаси, 19—20 июнда Ўзбекистоннинг барча ҳудудлари бўйича шамол тезлиги баъзи жойларда 15-20 метр/секундгача кучайиши кутилмоқда, баъзида 22-25 метр/секундгача кучайиши, айрим жойларда чанг-тўзон билан кузатилиши мумкин.

18—20 июнда республиканинг тоғолди ва тоғли ҳудудларида вақти-вақти билан қисқа муддатли ёмғир ёғади, момақалдироқ бўлади. 19—20 июнда баъзи жойларда кучли ёмғир ёғиши, айрим жойларда дўл ёғиши мумкин.

19 июнда шимолий ҳудудлар, 20 июнда республиканинг барча ҳудудлари бўйича ҳаво ҳарорати 4-6 даражага пасаяди.