“O‘zgidromet” 18-iyun, yakshanba kuni uchun ob-havo prognozini e’lon qildi.
Unga ko‘ra, havo biroz bulutli bo‘ladi, ba’zi joylarda o‘zgarib turadi, yog‘ingarchilik kutilmaydi, faqat Qoraqolpog’iston respublikasida kunning birinchi yarmida ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin.
Sharqiy shamol yo‘nalishini o‘zgartirib, g‘arbdan 7-12 metr/sekund tezlikda esadi, shimolda va cho‘l hududlarining ba’zi joylarida 15-20 metr/sekundgacha kuchayishi kutilmoqda. Ba’zida 22-25 metr/sekundgacha kuchayishi, ayrim joylarda chang-to‘zon bilan kuzatilishi mumkin. Harorat 36-41 daraja, janubda va cho‘l hududlarda 42-45 darajagacha issiq bo‘ladi.
Toshkentda havo biroz bulutli bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi. Harorat 38-40 daraja bo‘ladi.
Respublikaning tog‘oldi va tog’li hududlarida havo biroz bulutli bo‘ladi, vaqti-vaqti bilan o‘zgarib turadi, ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Shamol sharqdan 7-12 metr/sekund tezlikda esadi. Harorat 27-32 daraja bo‘ladi.
Izoh (0)