Францияда апрель ойида президент Эммануэл Макронга суиқасд уюштиришга уринишда гумон қилинган шахс ҳибсга олинди. Бу ҳақда Le Parisien газетаси хабар бермоқда.
“Ўта сўлчи фаол ҳибсга олиниб, тергов қилинмоқда. У апрель ойида республика президенти ҳаётига суиқасд қилишга уринишда айбланмоқда”, — дейилади хабарда.
Қайд этилишича, 27 апрель куни Макроннинг Ду департаментига ташрифи чоғида уни пенсия ислоҳотига қарши бўлган намойишчилар қарши олишган. Жандармлар уларни тарқатиш учун кўздан ёш оқизувчи газ ишлатган.
Макрон департаментни тарк этаётганида, ҳозирда қўлга олинган эркак президент ўтирадиган вертолётга ўзидан тутун чиқарадиган пиротехник восита улоқтирган.
Ҳибсга олинган шахс пенсия ислоҳотидан норозилигини шу йўл билан билдирмоқчи эканини айтди.
Изоҳ (0)