Франция ғарбида 5 магнитудали яна бир зилзила қайд этилди. Бу аввалги зилзиладан 12 соат ўтар-ўтмас содир бўлди.
Биринчи ер силкиниши 16 июнь куни маҳаллий вақт билан 18:38 да Де Севр департаменти чегарасидаги Крам-Шабан коммунаси яқинида қайд этилган. Унинг магнитудаси 5,8 ни (бошқа маълумотларга кўра - 5,3 ни) ташкил қилди, эпицентр 10 километр чуқурликда жойлашган.
Маҳаллий ҳокимият бир неча ўнлаб уйлар вайрон бўлган ва қисман қулаганини маълум қилди. Баъзи ҳудудларда электр узатиш линияси шикастланган, мингдан ортиқ одам электрсиз қолган.
Ҳозирча зилзила натижасида бир киши жабрлангани аниқланган. У енгил тан жароҳати олган бўлиб, унга қутқарувчилар ёрдам кўрсатишган.
16 июнь, жума куни Туркиянинг жануби-шарқида ҳам зилзила содир бўлди. Унинг магнитудаси 4,1 ни ташкил этди. Зарар ва қурбонлар ҳақида маълумот йўқ.
Изоҳ (0)